Datblygiadau
Ymddiriedolaeth Natur Gogledd Cymru
Mae Ymddiriedolaeth Natur Gogledd Cymru wedi penderfynu defnyddio'r enw Llyn Celanedd yn lle'r enw The Spinnies ar y warchodfa yn Aberogwen ger Tal-y-bont yn Arfon.
Yr Arolwg Ordnans
Mae'r Arolwg Ordnans yn ystyried rhoi Coed Cerrig y Frân yn lle The Mushroom Garden (Nant Ffrancon, Gwynedd), a Llwybr Gwregys yn lle Heather Terrace Path (Nant y Benglog, Sir Conwy) ar eu mapiau.
Cefnogaeth Cyngor Gwynedd
Ar 14 Mai eleni rhoddwyd y cynnig canlynol gerbron Cyngor Gwynedd gan y Cynghorydd Einir Wyn Williams ac fe'i pasiwyd yn unfrydol. Yn dilyn pasio'r cynnig, mae Cyngor Gwynedd yn anfon at yr Arolwg Ordnans yn galw ar yr asiantaeth i fabwysiadu'r egwyddor o ddefnyddio enwau lleoedd tirweddol Cymraeg yn unig ar eu mapiau yng Nghymru, ac yn anfon at Lywodraeth Cymru a chynghorau sir eraill Cymru i wneud yr un modd.
Llywodraeth Cymru
Bydd Llywodraeth Plaid Cymru, yn dilyn addewid yn ei maniffesto, yn deddfu i warchod enwau lleoedd Cymraeg.
Yn dilyn cais, mae Cyngor Gwynedd am osod arwyddion newydd yn Llŷn a fydd yn cynnwys 'Porth Neigwl' heb yr enw 'Hell's Mouth', ac yn cynnwys 'Porth Oer' heb yr enw 'Whistling Sands'. Cafwyd addewid y bydd yr Adran Priffyrdd yn rhoi blaenoriaeth i'r mater.
Cwt Dafydd Ross
Mae Cyngor Cymuned Llanllechid, gyda chefnogaeth Menter Iath Gwynedd, wedi gosod coflech ar Gwt Dafydd Ross, lloches bugeiliaid ar Foel Grach, un o fynyddoedd cadwyn y Carneddau yn Eryri. Bydd disgwyl i'r Arolwg Ordnans, Tîm Achub Mynydd Ogwen, gwefannau cerddwyr a'r gwasanaethau brys ddefnyddio'r enw o hyn ymlaen..
Allt Marchogion
Ar 14 Mai eleni rhoddwyd cynnig gerbron Cyngor Gwynedd gan y Cynghorydd Einir Wyn Williams fod y Cyngor yn anfon at yr Arolwg Ordnans yn galw ar yr asiantaeth i fabwysiadu'r egwyddor o ddefnyddio enwau lleoedd tirweddol Cymraeg yn unig ar eu mapiau yng Nghymru, ac yn anfon at Lywodraeth Cymru a chynghorau sir eraill Cymru i wneud yr un modd. Cafodd y cynnig ei basio'n unfrydol.