Ymgyrch Gwarchod Enwau Lleoedd Cymraeg

Un Enw! Enw Cymraeg!

'Dyma'r mynyddoedd. Ni fedr ond un iaith eu codi

A'u rhoi yn eu rhyddid yn erbyn wybren cân.'

- 'Cymru a Chymraeg', Waldo Williams

Pam gwarchod enwau lleoedd Cymraeg?

Maen nhw'n rhan hanfodol o'n hiaith a'n diwylliant

Maen nhw'n rhan o'n treftadaeth leol a chenedlaethol.

Maen nhw'n diffinio Cymru fel gwlad wahanol.

Maen nhw'n gyfoethog o hanes yr iaith, y gymdeithas a byd natur.

Felly, maen nhw'n haeddu eu parchu drwy eu gwarchod a'u defnyddio.

Mae'r wefan hon ochr yn ochr â gwefan Eryri Wen a sefydlwyd gan y diweddar Eilian Williams. Mynegwn ein gwerthfawrogiad o'i gyfraniad arbennig i warchod enwau lleoedd Cymraeg.